敬茶 吉利說話 中式結婚

敬茶 吉利說話 中式結婚

敬茶 吉利說話
敬茶時拍照

香港人結婚大部份都仍然會跟足傳統, 往往少不了中式禮儀, 而敬茶正被視為其中一個最重要的部份, 有很多長輩認為吉利說話是敬茶時不可或缺的

不喜歡倒模式的拍攝過程, 我喜歡拍攝婚禮源於可以見證每一對新人的喜悅, 也因為每個婚禮也應該是獨一無二的, 可是傳統婚禮攝影早已成為流水式的作業, 因此近年我們這些新人才能打入這個市場分一杯羹, 其實我們除了注重拍攝效果, 最不希望整個婚禮是完全由我們指導下完成, 這樣的話每個婚禮都會變成一式一樣的量產貨了. Pose 變得千篇一律, 又有什麼意思呢?

很多新人很強調他們需要一個會在敬茶時會講吉利說話的攝影師, 其實我們不是沒有, 但有時我們選擇不說, 一來因為我們專業是攝影, 而不是大妗 (可知一個稱職的大妗必需要本身是好命婆才可以的),  二來我相信大部份人其實未必想 Wedding Video 片段中聽到本應是大妗姐說的吉利說話變成由大妗佬講的搞笑版吧, 三來如果這些說話可以交由大妗姐或喜愛說話的親友/姊妹…事情不是更好, 更有趣, 更獨一無二嗎?

以往我常常跟我的客人說你可到網上隨便 Search 一下便有一大推很好用的吉利說話了, 不過為了一些大忙人, 我把一些精要的經過我重新排序之後的放到這裡吧 :)

 

在女家見到新郎 – 吉利說話

嫁個女多個仔,以後大把錢你洗。

嫁個女多個仔,請個賓妹任你洗。

 

到男家見到新娘 – 吉利說話

新娘入屋,金銀滿屋,仔仔好快換大屋。

見到靚新抱,好快有孫抱。

今年娶新抱,出年有孫抱。

 

敬茶時 – 吉利說話

湛茶比呀爺,等佢日日都笑騎騎。

湛茶比公公,買樓吾洗供。

湛茶比公公,好快做富翁。

湛茶比大伯,等佢越黎越大發。

湛茶比姑姐,姑姐年年換新車。

斟茶比姨媽,出年幫手抱穌蝦。

斟茶比姨丈,買六合彩中頭獎。

湛茶比叔叔,等佢年年換大屋。

斟茶比舅父,等佢買股票吾使估。

斟茶比舅母,舅母青春吾會老。

湛茶比呀E,呀E 靚過張柏芝。

湛茶比表姐,買樓又買車。

湛茶比家姐,等佢日日渣靚車。

 

飲茶時 – 吉利說話

茶到口,財到手。

茶到口,甜到漏。

茶到口,買車又買樓。

茶到口,越來越正斗。

茶到口,老公份糧入晒你戶口。

茶到口,富貴榮華一齊有。

茶到口,財神走到大門口。

茶到口,半山買多幾層樓。

茶到口,千萬豪宅揸o係手。

茶到口,出年又飲滿月酒。

茶到口,笑笑口,年年擺壽酒。

甜茶到口,添福又添壽。

甜茶到口, 兒孫好快有!

飲茶到口,橫財又就手。

飲茶到口,得心又應手。

三杯到口,明年飲姜酒。

甜茶到口,好快又黎飲佢滿月酒。

Sweet tea in mouth, buy a big big house! <—英文版都有 :)

飲深D,賺多D。

飲深D,中三T。

飲深D,賺多D,中完孖寶中三T。

飲深D,等你買多幾個LV。

飲深D,等新娘子生多D。

添一添,賺萬千。

飲茶飲勝,等佢生返個慈姑椗。

飲茶見杯底,等佢生多幾個仔。

飲茶杯杯清,新郎好快做傑青。

一杯飲到尾,青春又健美。

一杯飲到尾,修身又健美。

飲茶飲到尾,年頭靚到落年尾。(一對新人錫晒你)

杯茶甜甜地,買樓買到跑馬地。

飲過新抱茶,富貴又榮華。

飲過乖仔/女茶,一世有渣拿。

飲過新娘茶,靚過林青霞。

飲過新人茶,勁過周秀娜。

飲過新娘/新郎茶,靚過阿嬌同阿 Sa。

飲過新郎茶,型仔過劉德華。

飲過呢杯茶,有錢過劉德華。

飲過新人茶,唔怕檬查查。

飲過女婿茶,發到笑 kaka。

飲過女婿茶,SkII 都吾洗查。

飲過新人茶,馬仔聽你話。

飲過新人茶,麻雀聽晒話。

飲過新人茶,子孫聽晒話。

飲過新抱茶,生個孫仔四圍爬。

飲杯新人茶,出年幫手抱蘇蝦。

婆婆飲過呢杯茶,識得跳 cha cha。

飲過新抱茶,出年做嫲嫲。

飲過新抱茶,好快做嫲嫲。

飲茶笑呵呵,好快做婆婆。

飲茶笑騎騎,好快做爺爺。

飲茶好輕鬆,出年做公公。

飲過呢杯酒,等佢生個 BB 四圍走。

 

找茶錢時 – 吉利說話

求求其,醒幾皮。

接過利是封,生活似富翁。

接過利是封,好快做富翁。

收禮收人仔,好快生個仔。

 

戴金時 – 吉利說話

龍鳯扼(鐲)一對,夫妻好登對。

戴起金手扼,好快買豪宅。

戴起大囍,年年有喜,新郎哥養得起。

戴起大囍,戴到上手臂。

戴起大囍,好快有新己。

戴過金手鍊,有錢又有面。

戴過金頸鍊,個個都比面。

戴過大金鏈,等佢地越黎越有面。 (今晚埋單等兄弟比錢 XD)

戴過大金牌,一世吾洗捱。

戴過鑽石戒指,出入渣波子。

戴過金戒指,好快生個金童子。

戴上金耳環,名牌手袋任你挽。

戒指有鑽石,特別多人錫。

金扼帶上,三年抱兩。

金介戴上,三年抱兩。

金扼夾到手,BB好快有。

金扼夾到手,買多幾層樓。

金扼帶上手,金銀珠寶咩都有。

金扼戴上手,夫妻同偕到白首。

金鏈戴上手,新郎哥就好多藍籌股o係手。

金鍊戴上頸,好快住山頂。

金連戴上頸,買樓買到上山頂。

龍鳳金扼奶奶送,3T 都有得中。

 

其他吉利說話

食過糖蓮子,等佢年年生貴子。

貴人出門招風雨,新郎份人好相與。

得閒 Yeah 一 Yeah,新郎好快做呀爹。

Recent Comments

Leave a Comment

This site uses Akismet to reduce spam. Learn how your comment data is processed.

©2009-2018 Danny Kwan Photography. All rights reserved.